Сення ў нашым ліцэі стартаваў Дзень беларускай пісьменасці...
З нагоды гэтага свята да нас завітаў паэт, журналіст, Заслужаны дзеяч культуры Рэспублікі Беларусь Навум Якаўлевіч Гальпяровіч...
У бібліятэцы ліцэя адбылася творчая сустрэча з паэтам, падчас якой вучань 11 класа Гардзей Жогла ўзяў інтэрв'ю ў у чалавека, жыцце якога прысвечана беларускаму слову... А 11 Ж клас уступіў у дыялог з вядомым паэтам….
Было цікава і душэўна…
СЮЖЭТ ДЛЯ ВЕЧНАСЦІ
Навум Гальпяровіч
Душа ад Айчыны лечыцца,
Як маці, яна адна.
Мы ж толькі сюжэт для вечнасці,
Якая пымае нас.
Былое не паўтараецца,
Хоць вечнасць жыве былым,
І ў ранішніх дэкарацыях
Зусім не патрэбны грым.
Бо існае праяўляецца
У зыркім святле зары,
І плача, і пасміхаецца,
І даўняй віной гарыць.
Я знаю: не перапішацца
Нанова пражыты дзень.
І зіхаціць над цішаю
Трывогі маёй прамень.
Што будзе? У што паверыцца?
Падзеліць хто лёс са мной?
Мы ж толькі сюжэт для вечнасці,
Для кнігі яе святой.